عطشان يا صبايا ولو اني في بلد النيل
وبلدنا رجال و حروف ...في القران والانجيل
وعنينا عليها وهيا...تايهة في عتم الليل
وكل ما نعرف سكة...ييجو يطفو القناديل
والثورة ماشية تعكز...وسابوها للمهابيل
يوم ثورة ويوم فوضى...كده حسب التساهيل
والناس ايه تاني تملك...غير حب في مصر اصيل
يدورفي قلب العتمة...ويفتش عن الدليل
يزيح بيه المدروش...والجهلا والمخابيل
ويزيح بيه الرغاي...وابو اللسان الطويل
ويصالح بيه الزمان...لالف الف جيل

عطشان يا صبايا ولو اني في بلد النيل